Amahoro y’Imana nabe hagati kuri twe twese bakundwa bene data,nejejwe n’Imana muri iki gitondo ko impaye umwanya wo kuganira namwe ijambo yashyize ku mutima wanjye.
Intangiriro 15:12-13
12.Ku kirengarenga Aburamu asinzira ubuticura, ubwoba butewe n’umwijima w’icuraburindi buramufata.
13.Uwiteka abwira Aburamu ati “Menya neza yuko urubyaro rwawe ruzaba abashyitsi mu gihugu kitari icyabo, bazakorera ab’aho, na bo bazabababaza imyaka magana ane.
Ibyakozwe n’Intumwa 20:9-10
9.Umusore witwaga Utuko yari yicaye mu idirishya, arasinzira cyane. Nuko Pawulo akomeza kuganira amagambo menshi biratinda, Utuko arahunyiza ava mu cyumba cyo hejuru aragwa, basanga amaze gupfa baramuterura.
10.Pawulo aramanuka amwubama hejuru, aramuhobera ati “Mwiboroga kuko ubugingo bwe bumurimo.”
Tumaze gusoma amagambo atari mske kandi atari na menshi cyane ,muri aya magambo hose twasanzemo inkuru zivuga ku bantu basinziriye ,twabonyemo inkuru za Aburamu waje guhindurirwa izina akitwa ABURAHAMU. uyu niwe witwa sekuruza w’Abizera bose kuko afite amateka akomeye yo kwizera ,uyu sogokoruza rero Imana yamuhaye inshingano zo kurinda igitambo yari agiye gutamba agerageza,iki gitambo cyari inyama z’amatungo atandukanye yabaze abishyira ku gicaniro ariko yagombaga kurindira gahunda y’Imana ngo atambe igitambo.
Kubwo rero yagerageje kuba maso ararinda muzi namwe ukuntu inkongoro zikunda inyama ngo zakomeje gushaka kurya izo nyama ariko Aburamu akomeza kurwana nazo ahera mu gitondo ngo ageza ku kirengarenga ubwo ni ukuvuga ni mugoroba ariko ngo bigeze muri ayo masaha umunaniro,ubwoba butewe n’umwijima w’icuraburinda biramufata ngo asinzira ubuticura za nkongora ziraza zihumanya igicaniro, ibyo bituma Imana ibwira ngo kuko utabashije kurinda ibi bizaniye urubyaro akaga ko kuzaba mu bihugu by’amahanga bakabakoresha imirimo y’agahato ibababaza imyaka magana ane
Gusinzira gusa kdi yasinziriye n’umunaniro n’ubwoba kuko yari yagerageje umunsi wose arwana n’inkongoro na sakabaka n’ibisiga n’ibindi byinshi bikunda inyama natwe tuzi.
Ibyakozwe 20:9-10
Aha naho batwereka uyu musore Utuko ukuntu yakurikiye ubutumwa Pawulo yabwirizaga yicaye mu idirishya ngo biratinda ,utuko ararambirwa aranananirwa nawe arasinzira kuko yari yicaye ahantu hadafite umukano uhagije ngo asinziiriye arahanuka kuko hari mu nzu yo hejuru basanga amaze gupfa.
Birashoboka ko nawe waba waragerageje kwihangana ariko muri iki gihe umutima ukaba umaze kunanirwa ukaba warafashwe n’ibitotsi ariko witonde ufatire ikitegererezo kuri aba batubanjirije urebe ibitotsi bya Aburamu akaga byateje urubyaro rwe ibaze imyaka magana ane abantu bakora imirimo y’agahati kdi ibababaza nta mpuhwe nta mbabazi muribuka ko Imana ubwayo yabonye ukuntu bababazwa ikumva iminiho no gutaka kwabo ikaboherereza Mose ngo abakure mu bubata bwazanywe no gusinzira ,murebe uyu musore Utuko gusinzira kwamuzaniye urupfu nubwo Imana yamusubije ubuzima inyuze muri Pawulo ariko yari yamaze gupfa .
Mwene data wumva iri jambo ndakwingingira kwirinda ibitotsi kuko bizana akaga gakomeye ndetse karimo n’urupfu ,karimo kuzanira abazagukomokaho imibabaro y’igihe kirekire, ndakwinginga mwene data ngo wirinde ibitotsi kuko iyo umuntu asinziriye ntabasha kwirinda ,umuntu usinziriye ntabwo abona ibishaka kumugirira nabi ,ntiyumva niyo bamugambanira bamuhagaze iruhande kuko aba asinziriye, umuntu usinziriye ntiyabasha guhunga ibishaka kumugirira nabi ,ntiyabasha gutabaza hari ibimuteye abatasha kurwanya wenyine,iyo usinziriye hari nigihe utera umugeri ibyo wiyoroshe ugasugara ubwambure bwawe buri hanze ,usinziriye ntabwo aba azi aho ari bene data ndabinginga ngo muze tube maso ijambo ryaranbwiye ngo yewe usinziriye we kanguka Kritso akmurikire
Ubone umucyo ugende ahabona ukorere ahabona ndumva navuga byinshi reka nsoreze.
Imana ikore ku matwi yacu twumve ibyo umwuka atubwiye none.
Ibyakozwe n’Intumwa 20:32
32.“Kandi none mbaragije Imana n’ijambo ry’ubuntu bwayo, ribasha kubūbaka no kubahāna ibiragwa n’abejejwe bose.