Nitwa Mfitumukiza Enock, ndi umukristo mu itorero ry’ADEPR ku ruyenzi, ndi umu JCF. Tumaze iminsi twigishwa na benedata batandukanye, tumaze iminsi mu masengesho kandi Imana yabanye natwe ,ikomeje no kubana natwe ndayishimiye.
Uyu mwanya rero ijambo tugiye tuganiraho narihaye umutwe uvuga ngo:” NTA BUTAYU YESU ATAGUKURAMO“
Reka dusome ijambo ry’Imana mu gitabo cyo kuva 2:24-25
24.Imana yumva umuniho wabo, yibuka isezerano ryayo yasezeranye na Aburahamu na Isaka na Yakobo.
25.Imana ireba Abisirayeli, imenya uko bameze.
Twongereho irindi dusanga mu gitabo cyo kubara 11:31
[31]Umuyaga uturuka ku Uwiteka, uzana inturumbutsi zivuye ku nyanja, uzigusha aho babambye amahema n’impande zose, zigeza aho umuntu yagenda urugendo rw’umunsi umwe, ikirundo cyazo kireshya n’intambwe enye z’intoki.
Dusomye amagambo atari macye kandi atari menshi ariko icyo nkundira ijambo ry’Imana nuko rifite imbaraga kubaryumva bakaryizera,ubushize ijambo twaganiriye ryaravugaga ngo”: HUMURA IMANA YUMVISE GUTAKA KWAWE IJE KUGUTABARA” none haje irindi rivuga ngo”:NTA BUTAYU IMANA ITAGUKURAMO”
Nubwo bitameze neza none nejo bikagenda nta bwoba bw’ibihe Yesu ari ku ngoma_ NTA BUTAYU IMANA ITAKURAMO UMUNTU
Umuririmbyi 105 mu gakiza yararimbye ngo:” nyura mu misozi ,nyura mu mataba aho hose niko harushya umutima njya nsaba Uwiteka kugirango amfashe,Uwiteka nawe ntasiba kunyumva,Imana ishimwe cyane🙌
Hallelua,Nje kukubwira ngo ubwo butayu urimo buzarangira,siko bizahora mubamutegereza ntawuzakorwa n’isoni keretse abava mu masezerano nta mpamvu(zaburi 25:3)
Ijambo ryasomye mu kuva ryavuze ngo:” Imana yumva umuniho wabo yibuka isezerano yasezeranye na aburahamu na isaka na yakobo ireba Abisirayeli imenya uko bameze,ndagirango nkubwire ko Imana yacu yumva ,ikareba kandi igakora, Abisirayeli bamaze igihe kinini mu buretwa bababazwa ariko Imana yararebaga ,yurumvaga,umuniho banihishwaga n’uburetwa waje kugera ku Mana Imanurwa no kubatabara ibakiza amaboko ya farawo ibambutsa inyanja itukura ibarindira mu rugendo rwo mu butayu ,ikibabaje nuko baje kwibagirwa iyo mirimo yose Imana yakoze bareba.
Hanyuma twasomye irindi jambo mu kubara 11:31 ngo abisirayeli hari aho bageze bifuza imyama ariko babonaga bidashoboka bivovotera Imana na mose ariko Imana ifite imbaraga zakura inyama mu butayu ahantu hatari ubuzima bo barebaga uko bangana bakabona bitavamo ariko ndagutangariza ko amaboko y’Imana yacu atari magufi,Imana yohereje umuyaga uzana inturumbutsi(inkware cg inuma) uzitura aho babambye amahema ibirundo n’ibirundo.
Nkiri aha ndagirango mbibutse ko nubwo bahawe izi nyama batabashije kuzirya kuko Imana yarabahannye kuko bibagiwe imirimo yayo bakivovota abenshi baguye aho bishwe na mugiga.
None rero mwenedata naje kukwibutsa ko Imana izi ubutayu urimo kandi ukwiye kuyizera kandi ukareka kwivovota uhereye none wongere ugire kwizera.
-nubwo warashakishije bikanga ariko Uwiteka ategetse umuyaga uzanye ibyawe ariko wirinde ntuzibagirwe Imana.
Ibyo ubona bikugoye ku Mana biroroshye, nubwo ubona uri mu butayu nta kiza ubona cyakuzaho ariko Imana yo hereje umuyaga kandi mwibuke ko uri mu bimenyetso Umwuka wera yigaragarizamo bivuze ngo rero mu guhuha ku muyaga hajemo igisubizo cyawe.
Imana irongeye ikugarutseho,gusa wowe icyusabwa nukuba maso kandi ukumvira Imana.
Elisa iyo ataza kuba maso ubwo Eliya yazamuryarwa muri serwakira ntabwo uriya mwitero yari kuwubona ,buriya hari imigisha ijya iducika kuko tutabaye maso
Reka nsoze nkubwira ngo icyo usabwa n’ugutumbira Yesu kandi ukamwizera kuko arashoboye kandi aje kukuvana muri ubwo butayu umazemo igihe.
Yesu nabahe umugisha cyane ndabakunda
Mfitumukiza Enock