Jackson yakoze indirimbo ihumuriza abaruhijwe n’umubiri

Jackson Ntakezakundi usengera muri Adper Nyakabanda, yashyize kumugaragaro indirimbo yise Uyu mubiri, ikubiyemo ubutumwa buhumuriza imitima y’abantu baruhijwe n’umubiri ndetse n’ibibazo byo muri iy’isi.

Uyu muhanzi , yatangaje ko yafashe icyemezo cyo kuririmba mu rwego rwo kwamamaza ubutumwa bwiza bw’Umwami Yesu dore ko ari inshingano zagakwiye gukorwa na buri mu Kristo wese.

Jackson ubu amaze kugira indirimbo zisaga 6 harimo Iwacu ;Mwene data ; Turi hafi ; uyu mubiri yamaze kugera hanze ;ndetse n’izindi zitandukanye.
Jackson yaboneyeho gusaba abahanzi bagenzi be ko bakwiye gukora umurimo Imana yabahaye kuko ari nayo izabahemba, bakareka kwirukira iby’isi.

Yavuze ko yifuzako ubutumwa bukubiye muri iyo ndirimbo ye bwafasha imitima y’abantu baremerewe n’ibibazo bitandukanye ngo kuko Imana izashyiraho impozamarira ndetse izabibagiza imibabaro.