Guhora uganira na yo. Ntuzigera ugirana ubucuti bukomeye n’Imana kubwo kujya mu rusengero rimwe mu cyumweru cyangwa ku bwo kugira igihe kwihererana na yo rimwe ku munsi. Ubucuti n’Imana bukura uko ugenda uvugana na yo ibyo uhura na byo byose mu buzima.
Birumvikana ko ugomba kugira akamenyero ko guhura n’Imana buri munsi mu buryo bwo gusenga no gusoma ijambo ryayo. Ariko Imana yifuza ibirenze umubonano muri gahunda zawe za buri munsi. Ishaka ko uyiha umwanya muri buri kintu ukora, muri buri kiganiro, muri buri kibazo, ndetse no muri buri gitekerezo. Ushobora kuganira na yo umunsi wose ubudatuza, ukayibwira buri kintu urimo gukora cyangwa urimo gutekereza buri kanya. “Gusenga ubudatuza” bivuga kuvugana n’Imana iyo urimo kugura ibintu, utwaye imodoka, ukora akazi kawe, cyangwa se ikindi cyose waba uhugiyemo.
Benshi bibeshya ko “kugirana igihe n’Imana” ari ukujya ahantu uri wenyine na yo. Birumvikana, na Yesu yabitanzemo urugero, uzajya akenera igihe cyo kuba wenyine n’Imana, ariko kizaba ari agace gato cyane k’umunsi wawe. Buri kintu cyose ukora gishobora guhinduka igihe umarana n’Imana uramutse uyisabye kubibonamo nawe kandi ugakomeza kumva ko iri kumwe nawe.
Abaroma 4:8a “Mwegere Imana na yo izabegera.”
Pastor Rick Warren.